«ТАЗА ҚАЗАҚСТАН» ЭКОЛОГИЯЛЫҚ АКЦИЯСЫ

25 ҚАЗАН – РЕСПУБЛИКА КҮНІ

«ТАЗА ҚАЗАҚСТАН» ЭКОЛОГИЯЛЫҚ АКЦИЯСЫ

25 қазан – Республика күніне орай Абылай хан атындағы №140 орта мектепте «Таза Қазақстан» экологиялық акциясы өткізілді.

Акцияның негізгі мақсаты – оқушылардың бойында экологиялық мәдениетті қалыптастыру, туған жерге деген сүйіспеншілікті арттыру, қоршаған ортаны қорғауға және қоғамдық орындардың тазалығын сақтауға тәрбиелеу.

Акция аясында оқушылар үш бағыт бойынша тазалық және абаттандыру жұмыстарын жүргізді:

«Таза Қазақстан: Киелі мекен»

Ақ футболка киген оқушылар ескерткішті тазалау және жуу жұмыстарын атқарды. Бұл бағыт тарихи-мәдени мұраға құрметпен қарауға үндейді.

«Таза Қазақстан: Жасыл аймақ»

Жасыл футболка киген оқушылар жылыжай аумағындағы ағаштарды суарып, айналасын қопсыту жұмыстарын жүргізді. Табиғатты аялау мен жасыл желекті күту – ортақ міндетіміз.

«Таза Қазақстан: Жасыл өлке»

Сары футболка киген оқушылар мектеп аумағын сыпырып, айналаны таза ұстауға өз үлестерін қосты.

Осындай игі бастамалар жас ұрпақтың бойында табиғатқа жанашырлықты, еңбекқорлықты және азаматтық жауапкершілікті қалыптастырады.

Таза орта – жарқын болашақтың кепілі! Туған жерімізді бірге көркейтейік!

                                 https://www.facebook.com/share/r/14vzcSJJb2f/