Жас ұрпақ біздің өміріміздің тікелей жалғастырушысы ғана емес, еліміздің тірегі, мызғымас болашағы. Адамзаттың өмірдегі ең қымбаттысы, көз қуанышы – бала. Бала – дербес тұлға. Оның бойындағы табиғи қасиеттер, адамгершілік құндылықтары отбасында, мектепте, әлеуметтік ортада нәрленеді. Баланың бас ұстазы – ата – анасы. Тәрбие үрдісінің бір тарауы отбасымен жұмыс десек, отбасынан басталатын тәрбие мектеп өмірінен жалғасын табады.
Абылай хан атындағы 140 қазақ орта мектебінде 8,10 сынып оқушыларының ата-аналарының жиналысы өтті. Жиналыстың күн тәртібіндегі мәселелер
Кәмелетке толмағандардың арасындағы құқық бұзушылықтың алдын алу;
Оқушылардың қатысуымен жүргізіліп жатырған әлеуметтік жобалар;
Ұлттық бірыңғай тестілеудегі өзгерістер.
Бүгінгі мақсат - әрбір бала түбегейлі білім мен мәдениеттің негіздерін білу және олардың жан - жақты дамуына ата - ана, мектеп жағдай жасауы керек. Сондықтан, құрметті ата-аналар балаларыңыздың мектептің барлық мүмкіндіктерді пайдаланып, білім алу мен тәрбие жұмыстарына қатыстырып, өзін - өзі басқаратын білімді, озық ойлы азамат болуы жолында бірге еңбек етуге шақырамыз.
{gallery}-28/12{/gallery}
