Мектебімізде 2022-2023 оқу жылының кезекті Қамқоршылық кеңес отырысы өтті. Мектеп директоры Айгуль Мусабаева кеңес мүшелеріне атқарылған жұмыстар бойынша есеп беріп, алдағы жоспарлармен бөлісті. Мектептің техникалық базасын жаңарту, сыныптарды жабдықтау, білім алушыларға жайлы орта қалыптастыру бағытында жүргізілген жұмыстарға кеңінен тоқталды. Мектеп директорының тәрбие ісі жөніндегі орынбасары Б.Жақсылық жүйелі жүргізіліп келе жатырған жобалар бойынша баяндама жасап, оқушылар жетістіктеріне тоқталды.
Кеңес отырысы барысында Қамқоршылық кеңес төрағасы Нұрлан Көбегенұлы мектеп кітапханасының кітап қоры, спорттық үйірмелер жөнінде, кеңес мүшесі Ж.Шымберген қаржының бөлінуі жөнінде сұрақтарын қойып, ұсыныстарын білдірді.
Отырыс соңында кеңес мүшелері Coworking орталығындағы көркем әдебиеттер қорымен, Bookcrossing бұрышымен танысты. Мектеп асханасында болып, мониторинг жұмыстарын жүргізілді.
{gallery}-52/2{/gallery}
