2023 жылдың 19 қазан күні қалалық прокуратураның бөлім аға Прокуроры Сұлтанмұратова Айжан Сұлтанмұратқызы, Облыстық жастар денсаулық орталығы мамандары Құлмұратова Айман Задашқызы, Алиева Айгерім Мұратқызы 9 сынып оқушыларымен кездесу өткізді.
Күн тәртібіндегі мәселе бойынша Айжан Сұлтанмұратқызы қала көлемінде оқушылар мен жасөспірімдерге қазіргі таңда құқық бұзушылыққа байланысты жүргізіп жатқан, оның ішінде, оқушылар арасындағы қылмыстылықты болдырмау мақсатындағы жұмыстары туралы айтып өтіп, құқық бұзушылықтың алдын-алуға, есірткінің зияны жайында бейнероликті көруге ұсынды. Жасөспірімдер мен оқушылар арасындағы қылмыс пен құқық бұзушылықтың, нашақорлықтың, зорлық–зомбылықтың дер кезінде құзырлы органдармен, ата – аналармен бірігіп профилактикалық жұмыстарды уақытылы жүргізіп, алдын алып отыру керектігін ескертті.
Жастар денсаулық орталығы мамандары білім алушыларға нашақорлық дерті туралы кеңінен ақпарат жеткізіп, салауатты өмір салтын ұстануға шақырды. "Сақтансаң, сақтаймын" деген ұранды сөзді жадыларынан шығармауға кеңес берді
{gallery}9-131/zhaniliktaroff/3{/gallery}
