Оқушылардың оқу жетістіктері мен мінез-құлық ерекшеліктеріне тоқталу, ата-аналарға балаларының оқуы барысындағы жетістіктері мен олқылықтарын егжей-тегжейлі жеткізу, оқу-процесіндегі тұтас дамуын айту мақсатында үш буынға бөлінген жиналыстың орта буын ата-аналарына жиналыс өтті.
Бүгінгі ата-аналар жиналысы өзгеше, жаңа форматта ұйымдастырылып, мектеп оқушыларының ата-аналары пән мұғалімдерімен жеке сөйлесіп, көкейіндегі сұрақтарына жауап алып, жұмыстарымен танысты.
Жиын басында мектеп директоры А.Мұсабаева алғашқы тоқсанның аяқталуымен құттықтап, мектептің жетістіктері мен жаңарған кейіпімен таныстырды. Қорқыт ата университетінің ғалым-профессорларымен біріге жұмыс істеп, дарынды оқушылар базасын жинақтап ғылыми жоба мен олимпиадаларға дайындау мақсатында ашылған "Science factory" ғылыми зерттеу орталығы жайлы ақпаратпен бөлісті.
Ата-аналар жиналысы – әр отбасы үшін маңызды шара. Сондықтан бұл шараға барынша мән берген абзал. Бұл күні барлық ата-аналар жаппай мектепке келіп, балаларының сынып жетекшілерімен, мұғалімдерімен, мектеп әкімшілігімен сөйлесіп, пікір алмасу мүмкіндігіне ие болады.
{gallery}neww-26{/gallery}
